झरे पंचक्रोशी जनता विद्यालयात क्रांतीवीर पद्मभूषण डॉ. नागनाथअण्णा नायकवडी यांची 102 वी जयंती साजरी

 झरे पंचक्रोशी जनता विद्यालयात क्रांतीवीर पद्मभूषण  डॉ. नागनाथअण्णा नायकवडी यांची 102 वी जयंती  साजरी

झरे / प्रतिनिधी

झरे येथील झरे पंचक्रोशी जनता विद्यालय झरे येथे क्रांतीवीर पद्मभूषण डॉ. नागनाथअण्णा नायकवडी यांची 102 वी जयंती साजरी करण्यात आली. यावेळी झरेचे लोकनियुक्त सरपंच अंकुशराव पाटील यांच्या हस्ते प्रतिमेचे पूजन करण्यात आले.

यावेळी आटपाडी आरपीआय तालुकाध्यक्ष धनंजय वाघमारे बोलताना म्हणाले की, प्रा. साहेबराव चवरे सरांच्या प्रेरणेने पाणी चळवळीत काम करायला मिळाले. शालेय जीवनात असताना गावातून फेरी काढून जनजागृतीचे काम केले.

प्रा. साहेबराव चवरे सर म्हणाले, क्रांतीवीर पद्मभूषण डॉ. नागनाथअण्णा नायकवडी यांनी राजकारणविरहित पहिली पाणी परिषद राजर्षी शाहू महाराज यांच्या जन्मदिवसाचे औचित्य साधून 26 जुलै 1993 ला सुरू केली. ही चळवळ राजकारणापलिकडे असल्याने यामध्ये अनेक पक्षातील कार्यकर्ते व नेते सहभागी झाले होते. त्यांच्या त्यागमय भूमिकेमुळे दुष्काळी आटपाडीसह अनेक तालुक्यांचे नंदनवन झाले. क्रांतीवीर पद्मभूषण डॉ. नागनाथ आण्णा नायकवडी आटपाडी तालुक्यात आल्याने अशक्य असलेले पाणी तालुक्यात पोहोचू शकले.

आभाराच्या भाषणात बोलताना मुख्याध्यापक देवानंद घोणते सर म्हणाले की, क्रांतीवीर पद्मभूषण डॉ. नागनाथअण्णा नायकवडी यांचे जीवनचरित्र ऐकताना ऊर भरून आले. आण्णांचे कार्य आकाशाएवढं मोठं आहे. आण्णांच्या जीवनावर प्रा. चवरे सरांनी 103 व्या जयंतीपर्यंत त्यांचे चरित्र लिहावे. ही आमच्या सर्वांसाठी अनोखी भेट असेल.

या कार्यक्रमासाठी प्रा. साहेबराव चवरे सर, झरे गावचे लोकनियुक्त सरपंच अंकुशराव पाटील, पांडूरंग अर्जुन, आटपाडी तालुका आरपीआय अध्यक्ष धनंजय वाघमारे, बिरा पाटील, सत्यजित चवरे, जयेश मेटकरी, राहुल सासणे, नितीन वाघमारे, सचिन भानूसे इ. मान्यवर उपस्थित होते. या कार्यक्रमाचे सूत्रसंचालन संतोष वाघमारे सर यांनी केले तर आभार मुख्याध्यापक देवानंद घोणते सर यांनी मानले.